2 маусым күні "Atameken Business" арнасында эфир өткізіліп, "Время говорить" бағдарламасына қонақ ретінде Басқарма Төрағасының орынбасары Қалдыбаева М.К. мен профессор Локшин В. Н. қатысты.  Олар кәсіби ассоциациялардың рөлі мен олардың денсаулық сақтау жүйесін дамытудағы перспективалары туралы толыққанды сұхбат берді. Ассоциациялардың өкілдері көп уақыттан бері сала үшін барлық медициналық қауымдастықтың ортақ жауаптылығы туралы айтып келеді. Бұл өз кезегінде халыққа медициналық көмектің сапасын арттыруға септігін тигізеді. Ассоциациялар дамудың түрлі сатыларында, біреуі енді қалыптасып жатса, екіншілері даму деңгейіне жетіп отыр. Алайда барлық ассоциациялар заңнамамен нақты бекітілген функциялар мен өкілеттіктердің қажеттілігі мәселесімен соқтығысып отыр. Көптеген ассоциациялар өзін-өзі реттеуге көшу мүмкіндігі және денсаулық сақтаудағы кадрлық саясат, клиникалық қызмет, тарифтерді қалыптастыру, біліктілікті арттыру және т.б. сұрақтарды шешуде ассоциациялардың рөлін арттыру керектігі туралы айтады. Өзін-өзі реттеуге көшу денсаулық сақтаудағы басқа барлық реформалар сияқты кезең бойынша олардың тиімділігін талдап, шарттарға адаптация жасай алатындай жағдайда жасалуы қажет.